Yangiliklar

Narpay tumanidagi Kichik sanoat zonasida yangi suv tarmog‘i ishga tushirildi.

Narpay tumanining “Baxt” mahalla fuqarolar yig‘ini hududida joylashgan kichik sanoat zonasida suv tarmog‘i qurilishi yakunlanib, foydalanishga topshirildi. 

Loyiha qiymati 1,3 milliard so‘mni tashkil etib, 1,5 kilometr uzunlikdagi suv quvurlari tortildi, texnik jihozlar o‘rnatildi va tarmoqning uzluksiz ishlashi uchun zarur sharoitlar yaratildi.

Yangi infratuzilmaning ishga tushirilishi natijasida sanoat zonasida faoliyat boshlayotgan korxonalar uchun qulay imkoniyatlar yaratildi, tadbirkorlik muhitini yaxshilashga xizmat qiladigan muhim qadam amalga oshirildi. Shuningdek, hududda ishlab chiqarish jarayonlarining samaradorligini oshirish va yangi loyihalarni jalb etish uchun mustahkam zamin yaratildi.

Pastdarg‘om MTP KSZ hududida “Diyorabonu Fayz Baraka” tikuv-trikotaj korxonasi faoliyat yuritmoqda.

Korxona ayollar va bolalar kiyimlarini ishlab chiqarishga ixtisoslashgan bo‘lib, mahsulotlari hozirda O‘zbekiston bozoriga yetkazib berilmoqda.

Kelgusida korxona ishlab chiqarilgan kiyimlarni Rossiya, Turkiya va Qozog‘iston bozorlariga eksport qilishni rejalashtirgan.

Ushbu ishlab chiqarish majmuasida 70 ta ish o‘rni yaratilgani hudud aholisini ish bilan ta’minlashda o’z hissasini qo’shmoqda.

Sanoat zonalarida korxonalar faoliyati o‘rganilmoqda.

Samarqand viloyati Sanoat zonalarini boshqarish direksiyasi rahbari Dilshod Xabibullayev Tayloq tumani “Bog‘izog‘on” kichik sanoat zonasida faoliyat yuritayotgan sanoat zonasi ishtirokchilari faoliyatini o‘rgandi.

O‘rganish jarayonida korxonalarning ishlab chiqarish quvvati, mavjud loyihalar va kelgusidagi rivojlanish rejalari ko‘rib chiqildi.

Shuningdek, hududdagi infratuzilma masalalari, ishlab chiqarish jarayonida uchrayotgan muammolar va ularning yechimlari bo‘yicha mas’ullar bilan suhbatlar o‘tkazildi.

Direksiya rahbari tomonidan korxonalarga qo‘llab-quvvatlash choralarini kuchaytirish, zarur sharoitlarni yaratish va mavjud kamchiliklarni bartaraf etish yuzasidan tegishli topshiriqlar berildi.

Sanoat zonalarida korxonalar faoliyati o‘rganilmoqda.

Samarqand viloyati Sanoat zonalarini boshqarish direksiyasi DM direktori Dilshod Xabibullayev Jomboy tumanidagi sanoat zonalarida faoliyat yuritayotgan korxonalar faoliyatini o‘rgandi.

Xususan, tumanga tashrif davomida “Maroqand Meva-Sabzavot” hamda “Golden Colors” korxonalarida bo‘lib, ularning ishlab chiqarish jarayonlari, mahsulot turlari va mavjud imkoniyatlari bilan tanishdi.

Shuningdek, korxonalardagi muammo va takliflar o‘rganilib, ishlab chiqarish samaradorligini oshirish bo‘yicha tegishli tavsiyalar berildi.

“Qorag‘uppa” kichik sanoat zonasi.

Pastdarg‘om tumani, “Qorag‘uppa” kichik sanoat zonasida joylashgan “NextFormUz” MCHJ ning mebel ishlab chiqarish va realizatsiya qilish loyihasi.

“NextFormUz” MCHJ zamonaviy texnologiyalar asosida turli xil mebel mahsulotlarini ishlab chiqarish bilan shug‘ullanadi. Korxona ichki bozordagi ehtiyojni qondirish bilan birga, eksport yo‘nalishlarini ham faol rivojlantirmoqda.

Eksport bozorlari:

- Qozog‘iston
- Qirg‘iziston
- (Rejalashtirilgan): Turkiya

Bugungi kunda korxonada 40–50 nafar ish o‘rni yaratilgan bo‘lib, mahalliy aholi bandligiga hissa qo‘shib kelmoqda.
 

O'rganish ishlari davom etmoqda.

Samarqand viloyati Sanoat zonalarini boshqarish direksiyasi DM direktori D.Xabibullayev hamda Kattaqo‘rg‘on shahar hokimi G.Alimova Kattaqo‘rg‘on shahrida tashkil etilgan kichik sanoat zonasi faoliyati bilan yaqindan tanishdilar.

Tashrif davomida mazkur hududda faoliyat yuritayotgan tadbirkorlar bilan uchrashuv o‘tkazilib, ishlab chiqarish jarayonlari ko‘zdan kechirildi. Tadbirkorlarning mavjud muammolari va takliflari o‘rganilib, ularni bartaraf etish bo‘yicha tegishli topshiriqlar berildi.

Shuningdek, direksiya rahbari D.Xabibullayev Kattaqo‘rg‘on tumanidagi sanoat zonalari faoliyatini ham o‘rgandi. 

Tashrif jarayonida korxonalarning ishlab chiqarish quvvatlaridan foydalanish darajasi, mavjud imkoniyatlari hamda yaqin istiqboldagi rejalariga alohida e’tibor qaratildi.

Jomboy tumanidagi kichik sanoat zonalari faoliyati o'rganildi

Jomboy tumani hokimi o'rinbosari J.Qodirov hamda sanoat zonalarini boshqarish direksiyasi mas’ul mutaxassislari bilan birgalikda Qoramo‘yin mahallasida tashkil qilingan “Samarqand golden colors” mas’uliyati cheklangan jamiyati faoliyati o’rganildi.

Mazkur korxona polietilen va polimer mahsulotlar uchun har-xil turdagi bo‘yoq ishlab chiqarish faoliyati bilan shug’ullanadi.

Korxona uchun tadbirkorning o‘z mablag‘i hisobidan 1 million dollar miqdorida invetsitsiya kiritilgan bo‘lib, hozirda 30 nafar xodim doimiy ish bilan band. 

Uskunalar Xitoydan olib kelingan bo’lib, bo‘yoqlar uchun xomashyo Eron va Hindistondan keltirilmoqda. 

Ayni damda tayyor mahsulot ichki bozorga yetkazib berilmoqda va kelgusida eksportga yo’naltirish bo’yicha xalqaro bozorlar o’rganilmoqda.